قصائد قصيرة ل اميرة البيلي رووعة جدا 🙂

كان زمان لو يوم وجعني ..

يجري يحضني بعينيه .. ♥ 

يبقا خايف اني ازعل ..!

وان ايدي تسيب ايديه .. 

وان فيوم فكرت امشي ..

كان يشد بأيده خوفي .. 

كان يقولي بلهفه اسف .. 💜

كنت اقوله طب وليه ؟

لجل اسمع من كلامه .. 

اني نبضة او كيانه 💜

والكسوف لو بان عليه ..

بس دلوقتي القضيه ..

ان قلبه معدش ليا ..

كل شئ فـ البعد جايز ..

قلبي خايف ..قالي ايه ؟

قولتله بكنايه اقصد ..!

ان حبه عمله غاليه ..

بس اصبح بالجنيه .. 🙂

.........................................

الحكايه من البدايه ..

انه بارد فـ المشاعر .. 🙂

وانه مش فاهم حياتها .. ! 

وانه مش قادر يلاحظ .. !

ان خوف البنت ذاتها ..

وانها تبانلك قويه .. 

لجل خوفها من سكتها ..

فـ احتوي الضعف الي فيها .. 

عيش عشانها وبس ليها ..

هيا مش نكدية لكن ..

" انت مش فاهم حياتها .. "

.........................................

صاحبي الي ديما فـ الوجع 👥 .. يفضل قصادي يضمني .. 

صاحبي الي عمري ما اعوضه .. وان يوم وقعت يشدني ..

صاحبي الجدع وعشان جدع .. بيحبني  💚

.........................................

الولد كائن حنين ..

بس انتي احتويه ..  💜

يوم ما يغلط اوعي تمشي ..

او تسيبي فيوم ايديه .. !

الولد بيكون فـ لحظة ..

طفل .. بس انتي اسمعيه .. 

الولد عاوز حبيبته ..

تبقا جنبه ف وقت ضيقته ..

تبقا سندة وتبقا هيبته .. 

تبقا امه وتبقا بنته ..

تبقا هيا تخاف عليه ..

.........................................

الحياه ولونها الـ غامق💢 .. !

شئ بيملي خانتنا ليه .. ! 

الحياه مدهونه كـحلي ..

والنقط مكتوبه ايه .. !

الألف .. اسود وباهت🕳 .. 

اكتئاب مرسوم عليه ..

والحروف الباقيه هيا .. 

ي و هِهـ واللعبه ديه .. 

قاصده تكسرله فـ ايديه ..

.........................................

فكر كدة مع نفسك حبة .. " كل عداوة سبقها محبة " .. 

متصدقش فـ يوم من قالك .. ان العكس بيبقي صحيح .. 

اصلا كل الكره بيجيي .. لما الحب يكون " تجريح " .. 💔

.........................................

كنز الغلابة كان الرضي .. وانا قلبي واد غلبان أوي .. 

لا هو فهلوان ولا دنجوان .. وفي حالة يعني ومنطوي ..

حتي الجميلة اتغندرت ..  💛

اصبحت شاعر في الغزل .. وبقول كلام مش مبتزل ..

دانا قلبي أكسد واختزل .. ولا حد شاغله زيها .. 

دانا توهت مني عندها .. والقلب فجأه اصبح سوي ..

سبحان من خلقك ملاك .. كاملة الكمال الأنثوي .. 

كنز الغلابة ضحكتك .. وانا قلبي واد غلبان أوي 💜

"يلا اضحكي .. " 💚

..................................................

كنت فاكرة أنك هتسند ،
روحي لو يوم مَيلت ..
واني هتسند عليك !
واني هتعكز واعجز بين ايديك ..
" كنت " فعل واصله ماضي ،
كان كلامك كله فاضي ،
كنت شاطر بس توهم
فيا بكلامك زمان ..
غيبت عني وسبت ايدي ،
وكل شئ فـ حياتنا ( كان ) ..

...............................................

.........................................