اميرة البيلي

بيجي علينا فترة لذيذة كدة اسمها فترة البدايات الي هي الحياة الوردي المنقطة بـ احمر دية الي كل حاجة فيها متاحة الهزار الجنان العفوية الطفولة الرومانسية كل الحجات الحلوة الملونة بعدها علي طول بنبدأ فترة سخيفة شوية لونها رمادي كدة بتبقي محاطة بشوية اهمال مع عدم تقدير عارفين بقي ان الفترة دية اخطر فترة فـ أي علاقة ، لانها بتبقي اول سلالم الخناق أو انكوا تشيلوا من بعض بعديها بشوية بنبدأ فترة مش حلوة نهائي بنسميها " ضمنا وجودنا ف حياة بعض ف بنيجي ع بعض " 
دية بقا من الفترات الي بتمهد للفراق بشياكة ، ثم فترة تجر فترة وخناقة ورا خناقة وهوب " احنا مينفعش نكمل ، كل شئ قسمة ونصيب " عارفين كل دة بسبب ايه ، اننا اقتصرنا الحجات الحلوة المجنونة العفوية علي البدايات بس ، ثم ؟ حطينا نفسنا فـ دايرة ساذجة وهي البداية حلوة وبعد كدة خلاص مشاعرنا بتبقي باردة ، بظبط زي الاتنين المخطوبين بيبقوا عارفين إن فترة الخطوبة الحلوة مولة مش هتتكرر ثم هيجيي الجواز اول شهرين لذاذ أوي ثم مشاعرنا واجب تبقي باردة وفريزر مسؤلية بقا ومصاريف ، ثم اطفال وشقي.. والخ من الدواير السقيمة الي بنحط العلاقات فيها ، عارفين احنا مشكلتنا ايه اننا فاهمين الحب غلط ، الحب مش كلمتين حب وشوية جنان هياخدوا وقتهم ف البداية ويختفوا مع الوقت ، الحب هو حب الرسول لستنا عائشة الي كان بيلعب معاها ويسابقها ويهزر معاها الحب هو انك تشوفيه طفلك وأنك تشوفها امك وطفتلك انكوا تكرروا البدايات ولونها الحلو عشان تفضلوا مبسوطين ، احنا ايه بيخلي عندنا بهجة ووشنا منور ف البديات ؟ لأن كل حاجة حلوة بتبقي فيها ..
هيجرا ايه لو عملنا تكرار وتجديد كل يوم لمشاعرنا الميتة وجددناها ببدايات حية ومشاعر جميلة عشان نكون مبسوطين ، هتقدروا تتغلبوا ع الخلافات لو قدرتوا تقتنعوا ان البداية لازم تبقي كل يوم طول مانتوا سوا حتي لما يبقي عندكوا اطفال عودوهم ع الحب والضحك واللعب والجنان ولما تيجوا تحضنوا بعض مش تقولوا " لا عيب مينفعش قدام العيال " عودوا اطفالكوا ع الحب عشان يطلعوا بيعرفوا يحبوا عشان يطلعوا مؤمنين ان الحب والعفوية والجنان مش بس ف البداية لأ ، عودوا ولادكم ان المسؤلية بتخليكوا مستنين كل دقيقة تكونوا فيها سوا مش بتبعدكوا بحجة التعب او الارهاق او تحت ستارة " مش فاضيين نحب بعض "
الحب أساس كل حاجة واي حاجة ، عشان تبقي ناجحة عشان تبقي ناجح الحب هو الي بيديك الطاقة أنك تبقي كويس وعندك طاقة ايجابية ، حبوا بعض يا جماعة اعملوا تكرار للبدايات فرحوا بعض متسمحوش لمشاعركوا تبقي باردة عشان متفارقوش ، احترموا بعض ، سامحوا بعض ، عدوا لبعض ، قدروا بعض ، اياكوا والإهمال بيدمر أي علاقة ..
خلي بالكم من حبكم وحافظوا عليه