بلد البلح مكتوبة
اميرة البيلي 

.............

التحميل اخر القصيدة

..........

"بلاد العدل اوطاني " ، ومين فـ بلدنا بيعاني ! 

مفيش مجني ومفيش جاني ، ومحدش فينا داق الذل ، حياتنا عظيمة فل الفل ، وكله تمام ، ومين فـ بلدنا مش بينام ، وهو ديونه مسدودة ، دية همجيتنا محدودة ، مفيش فقرا مفيش ادمان ، مفيش لا بطالة ولا حرمان ، مفيش ولا حد فينا جعان ، مفيش تفجير ولا تدمير ولا في خطف بالتخدير ،

مفيش امراض ولا نيلة ، بلدنا قليلة الحيلة ، ودم المصري فيها رخيص ،  دة بلحة رئيس !

 حكومتك ماشية بالتعريض ، مئات بيموتوا كل يومين ، هنا سرطان ، هنا تفجير ،  هنا م الجيش ، هنا قطارات ، هنا بنموت علي فترات ، مفيش فـ بلدنا شئ يصلح نقول ان احنا مصريين ! حكومة سابة لينا الدين ، عشان قولنا فيوم لأه ، شباب معهوش يجيب شقة ، وبلحة غلي فـ الاسعار ، حكومة عندها إصرار تدوس ع الشعب بالجزمة !! ومين في بلدنا ليه لازمة ؟ غير الي بينهبوا فيها .. وحتي الفكة مش ليها !! 

اخدتوا الفكة فـ جيبكوا ، ومصر عظيمة يا سادة .. 

وكالعادة ، لميس واديب واعلامنا الجميل جدا ، مطلع مصر وردية ، ولابسة توب من الألماس ، محدش اعترض واتداس ! ومعتقلاتنا للخاينين ، حكومة سابة لينا الدين ، وواجب نمشي جمب الحيط ، " وعشرين ابرة " تلضم خيط ، سفينة بريسين تغرق ، وانتوا كتير ،  لضمتوا الشعب لجل تخيطوا توبكوا ،  ونور عينك يا بلحة ضرير !! 

مليت سكوتي كرهت ضعفي وخوفي إني اتسجن ، أنا حالياً بقولها ليكوا بعلوا صوتي ، انا بعترض مش هنطوي .. 

ملعون ابوكوا حكومة داست بالقوي ..

.........

دوس هنا وحمل القصيدة mp3