* المشهد التاني *

اميرة البيلي ⏬⏬

بليل بقوم فجأه  .. علي صوت الاذان .. بدء الكلام حتي الختام انت <3 

اول كلامي انا بكتبه عنك .. استاذ فـ علم الارتباك يعني .. 

تركيب وعلم الخطف دة منك ..  كل الكلام دة باختصار انك .. 

حاله حنان مع طبطبة ..  وسط الحجات المتعبه ! 

وسط الحجات المرعبه .. انت الامان .. 

يعزف كمان .. Cut  وجميل هايل اوي .. 

المشهد التاني بقااا .. صوت الانين ..  نبض الحنين يبكي وجع .. 

هو مهواش الامان .. حتي خلاص مبقاش جدع .. 

اضرب ودع .. شوف النصيب .. قرب يصيب ؟ 

والبنت ليه بتقضي اغلب وقتها نايمة ..؟ 

يمكن عشان غاوية الهرب .. متعلقه بـ صوت الطرب !

لو تبقا غناوية النكد .. حتي جرس موتها ضرب ..! 

والدنيا مش دايمة .. ! 

البنت تعبت من الفراق .. شبعت خناق شبعت مرض .. 

كان جنبها من باب غرض ..  بتعوضة عن حد مات .. 

صوت السكات يملي جميع المشرحة .. والبنت ليه متشرحة ..

الاوضة صارت مهزله ..! 

دباديبها اصبحت الجثث .. مكتبها صارالـ مغسله ! 

طب ليه كدة .. طب هيا ليه متنكدة ..  ! 

علشان اناني محبهاش ! 

ملعون ابو الحب الذي .. يهدم حياتها ميبنيهاش ..! 

لربما هيا الي ماتت من الوجع .. (  هو الي عاش .. ) 

كهف البعاد زاد العتاد سنه ..! 

كان العتاد يشبه كدة حنه ..

والحنه لتغطي الوجع بني .. عدسات تزيل البكي لأزاله  .. النني .. 

كانـ مارد الاكاذيب .. يشبه كدة ..  جني ..! 

اول ما حس بحبها راح قالها ..  اني ..

امي وبنتي وروحي وحياتي أكمني .. 

عاشقككـ ورب الكون .. شايفك كدة مني .. 

وهعدلكوا شرحها .. قاصد يزيل فرحها .. 

قاصد يزيد جرحها .. ويفك فـ خياطته .. 

كان فارس الاوهام  .. والحزن دة رياضته .. 

زاد الوجع للضعف .. زادها اوام من الضعف .. 

كان كل مرة يملها .. يتعبها  .. ترجعله ..

وفـ عز ضيقها وحزنها .. كاتـ بردوا تسمعله ..

لاكن معادتش خلاص .. تسلملك الجرة ..! 

البنت حلفت انها .. هتعيش بدونه اكمنها .. 

طاقه املها منها .. وانه خلاص برا .. 

حبه مكانش الخير .. كان بس دة معره .. 

ولانها ضحت علشانه ميت مرة ..

حلفت تكون اقوي وتكونلها مأوي .. 

حلفت تشوفه جزئ وتشوفه كـ الذرة  ..

فـ نصيحة ليكي مني .. وهاتي قلم رتبي  .. 

يلا و قوام اكتبي .. 

فـ البداية حابه أقولكِ ..

اوعي يوم تقفي فـ مكانك .. !

خلي عندك قوة ديماَ ..

حتي من مفهوم سلامك ..

اوعي يوم تتنازلي عنك .. 

بين قوسين حلمك علامك ..

اثبتي نفسگ واوعي ..

تيأسي فـ ظاهر كلامك .. !

حطي هدفك وابني حلمك .. 

وري كل الدنيا علمك ..

والي فكر لو يضايقك ..

عمره ما استاهل حنانك ..

علي صوتك قولي انگ 

واقفه قادرة .. صلبه نادرة .. 

عارفه تتعايشي بكيانگ .. 

والي فكر مرة ضدك .. 

اطردية وكأنه خانك ..

ابني حلمك طوبه طوبه ..

علي ديماً من مقامك .. 

انتي اقوي .. كوني اقوي ..

يلا وريهم تمامك ..

..........

ده رابط تحميل القصيدة mp3 ⏬⏬

https://www.mediafire.com/file/mo3zu26oi1zv1ji/%D8%A7%D9%84%D9%85%D8%B4%D9%87%D8%AF_%D8%A7%D9%84%D8%AA%D8%A7%D9%86%D9%8A_-_%D8%A7%D9%85%D9%8A%D8%B1%D8%A9_%D8%A7%D9%84%D8%A8%D9%8A%D9%84%D9%8A.mp3