" تصبحي على خير " 

- تلاقي الخير فـ أي مكان ..

ومن جهلي ، مقولتش " وانت من اهلي " ..

الجهل كان فـ سكوتي مش اكتر ..

الدنيا بتمطر والساعة كانت 5 تقريباً ..

فـ خرجت برا الشات بكل هدوء .. 

فـ المرة دية الصدمة خلتني ..

اضحك لوهلة من الوجع .. 

قلبي الجدع ، أصبح ضعيف .. 

أصبح خريف اوراقه أغلبها بتقع .. 

أنا قلبي اضعف من حيطان بيتنا القديم .. 

ولأنه اصلا مش سليم ، كان الوجع قاصد بقوة يهدني ..

لما انت مش بتحبني ، قربت ليه ؟ 

دانا شفت قلبك ملجأي ومسكت فيه ..  

ظنيت بأن الحب نجاني .. 

اتاريه عماني منجانيش م الكسر .. 

حبيتني لما دخلتني ، ولقيتني فيك .. 

سبتك تعشش فيا بغبائي ..

قربك مكانش دوايا كان دائي  .. 

سبتك بكل سذاجة جوايا  ..

لما انت قلبك مش معايا ، حلفت ليه أنك بتعشق طلتي ! 

طب كنت سبني ف وحدتي .. 

دانا كنت لسه متعالجتش م الي فات .. 

قلبي الي مات ، المرة دي كاتـ تاني طعنة تجرحه .. 

طب حط نفسك مطرحه .. 

يارتني لاحظت م الأول .. 

فجر الوجع طول والصبح حالف ميجليش تاني ، 

دانا روحي كانت لسة بتعاني ! 

طب جيتني ليه وطيرتني لسابع سما ؟ 

دانا كنت كارهه الحب كرهي للـ عمي ..

جيتني عشان تنساني بيها مش كدة ! 

ضربتين فـ الراس بتوجع ،

 مرتين الجرح ، صعب .. 

قلبي الي كان ثابت وصلب ، اهو اتكسر ،

وكأنه أشبه بالرخام ، قلبي معادش تمام ، 

قلبي مكانش تمام ، ملعون ابوه الحب واللهِ ..

دانا قولت جهراً ضحكتك جاهي  !! 

حسيت بايه تجاهي ، غير بس اني حيطك المايلة ! 

انا روحي كانت ضلمة من قبلك ، 

جيتلي عشان تجعلني احزن مما كنت .. !

قربت ليه دانا قلبي م المساكين ..

كل البشر تعباين ، شفتك بغلب غير الي فات والـ جي .. 

دانا قلبي شافك ضي ، ومفر م الاحزان .. 

قلبي الي كان بهتان ، أصبح ضعيف وابهت .. 

ومعادش في ولا لون ، الحب مش مضمون ..

وانا قلبي سلملك ، وأداك حنين مجان ..

ملعون ابوه الإهتمام ، لو كان لناس بتذلني ..

كل الي قال بيحبني كان غرضه بس يزيدني خوف .. 

كل الظروف كات قاصدة توجع قلبي ليه ! 

كل الي تاعب قلبي دلوقتي ،

 أنه مسك فـ ايديه ، وهو مش دايم !

كل الي كان باين : كدبك عليا بأن قلبك اتخلقلي ..

 وإن قلبك رافض الكل إلا انا .. 

حُبك معلم فيا و تاعبني " راجع تقولي انك حاببني " !!

طب بعد ايه ؟ 

مكنتش زي ما رسمتك

 فـ بالي يوم ما حبيتك 

لقيتك حد معرفهوش 

وحتي الآن محستش بأمان

 زي الي حسيته فـ أول مرة ضمتني

 قدرت ف يومها تمحي الخوف 

وتحوي زعلي وكلامي ،

 ومسكة ايدك الدافية وانا اسف وعلشاني 

ومش عايز اشوف دمعة فـ يوم منك ، 

وإنك اغلي شئ عندي ،

 وانا بعِندي عاندت قُليبي وأطمنت ،

دانا خمنت بأن مفيش امان إلاك ، 

حلفت اعيش حياتي معاك ،

 وأكون وياك حياة كاملة ، 

نويت اهتم بالتفاصيل

 وطول الليل اكون صاحية

 ومستنية اطمن عليك فـ أنام ، 

اعاتبك لما توجعني تقولي سلام ، 

واحفظ ليك واكتب فيك قصايد شعر ، 

واتملي فـ جمال ضحكك وتكشيرتك

 واجيب سيرتك فـ كل كلام ، 

وفينك وقت ما احتاجتك ؟ 

دخلت تنام ، بلا مبالاه 

قدرت بكلمة تجعلني أخاف منك ومطمنش ، 

تهددني وتيجي عليا وتزعق ، 

عايزني اذاي بكل سذاجة متكلمش ! 

مفيش بينا سنين ولا شئ ،

 لكن قلبي الي حبك شاب 

 قدرت بكل افعالك تاخدني غياب ، 

يا تتغير وترجع زي ما جيتني ،

 يا تنسي أن انت حبتني

 وترجع للي سابوا ايديك 

عشان قلبي معادش سليم مكانش سليم كمان قبليك 

فـ متزودش انت نزيفه بكلامك

 وتوجع قلبي مرة كمان ، 

معنديش حيل اكون اقوي ولا استقوي ولا ابقي تمام 

 صباحك خير يا سيدنا سلام .. :")

 "اول ما تتسجل هنزلك رابط التحميل 🎶"