مسكن موضعي
فيديو 📹 قصيدة ( مسكن موضعي ) ورابط تحميل الفيديو 🔃 ورابط تحميل القصيدة mp3 🎶🎵
سلمت قلبك للشوارع والشتا ،
وتعبت من كتر السهر فـ البرد ،
القهوة متلازمة لجميع المحبوسين ..
وانت الي باقي لما عملوا الجرد ..
وفضلت تنعي الحظ للصحبة ،
والصحبة ألقت بيك كـ حجر النرد ..
والشعر ليا علاج مسكن موضعي ،
اول ما بكتب .. حزني يبدأ سرد ..
بدأ الحزين حزنه وقام كاتب ،
قتلوا القتيل وزاروه بحبه ورد ،
الشعر أصبح آله وانا عالة ،
بكتب فـ بشعر بأرتياح من الذنب ،
واخدت جنب من الصحاب ومن الوجع ،
فلقيتني بضرب كفي ع كف الودع ،
طلع الودع صرح بأني مُدان ،
وان الحياه داين فـ يوم تدان ،
وإني اداينت بدون ما اكون داين ،
وإني ع الهامش والجرح مش باين !
وان انتشر إن البشر الكدب فيهم ، جاري فـ الشريان ،
وانك طبيعي لما تدمنهم ،
يظهر عـ لونك بوادر الإدمان ..
لونك بيبهت كل مادا كتير ،
لساك غبي وبتعشق التبرير ،
لساك عايزهم رغم قلت حبهم ،
لساك كما أنت غير قابل التغيير ..
وعينيك مغميها لجل انتظار الشرح ،
طال الكلام وانت ، مش لاقي غير الجرح ،
لساها جمع وطرح !
بيضيفوا ناس جنبك ، ويشيلوا منك شئ ..
مهما الطريق يوسع .. فـ النص تاني يضيق ..
دخان سجاير وحدتك .. علم عليك بالحزن ،
والحضن وقت الخوف ، مسكن للألم ..
جبت القلم !
وبدأت اكتب عن غلام !
اختل وزنه لما قرر يمشي ع طرف الحياه !
ساب نفسه للواقعه والضعف والمعناه ..
هذا الغلام يشبهني بالمللي ..
اول ما قرر يرجع الدنيا خانُه الطريق توهه ..
واما لقاه استغربه ..
قام تاه ..

(دوس هنا وحمل التطبيق الخاص بالموقع) 📱
(هنا مقاطع فيديو قصيرة ل اميرة وروابط تحميل ليها)
( وهنا 10 فيديوهات كمان )
انا بعشقك يا اميرة نفسي اكون زيك انا بردو موهوبة بلقي شعر وبدأت اكتب السنادي انا ف تانية ثانوي وبغني من صغري ادعيلي يا اميرة ❤❤ انا بحبك اوي ربنا يحميكي
ردحذف